Во зависност од епидемиолошката состојба, зависи и тоа дали новата учебна година ќе се заврши онлајн или од училишните клупи.
Владата на денешната седница одлучи новата учебна година да започне со физичко присуство, со полн капаитет, според утврдените и донесени протоколи. Ова во Владата го предложило Министерството за образование и наука, откако претходно одобрение дале од Комисијата за заразни болести.
– Исклучоци од оваа одлука може да се однесуваат на деца со ретки болести или попречености, деца кои доаѓаат од семејства со хронично болни семејства, по барање на родителите, како и други немедицински причини со дозвола на училиштето, соопштија од Владата.
Комисијата, МОН и Владата постојано ќе ја следат епидемиолошката состојба, а во случај да дојде до промена на состојбата во игра се две сценарија: целосно преминување на онлајн настава или комбинирана.