УЕФА го обeлодени својот тим на годината, кој во голема мера се разликува од изборот на ФИФА.
Во идеалниот тим на „европската куќа на фудбалот“, секако, најзастапени се играчите на Реал Мадрид и Барселона, а тука се и двајца од Јувентус.
Серхио Рамос, Лука Модриќ, Тони Крос и Кристијано Роналдо се претставници на првакот на Европа, додека од редовите на шампионот на Шпанија изгласани се Жерар Пике, Андрес Иниеста и Лионел Меси.
Покрај Џанлука Буфон и Леонардо Бонучи од Јувентус, честа да се најдат меѓу „најдобрите 11“ им припадна и на Антоан Гризман и Жером Боатенг.
ФИФА се уште не го објавила својот тим на годината, но од вчера тој протече во јавноста и се разликува за четворица играчи во однос на изборот на УЕФА.
Во ФИФА тимот се Мануел Ноер, Тиаго Силва, Марсело и Нејмар, додека на тие места кај УЕФА се Буфон, Боатенг, Бонучи и Гризман.