Огласување на аларм за пожар за што подоцна е утврдено дека бил лажен го испразни накратко стадионот „Етихад“ во Манчестер каде за 15-тина минути Сити ќе биде домаќин на Барселона во четвртото коло во Лигата на шампиони. Инцидентот се случил на неполни два часа до почетокот на средбата по што беа евакуирани сите што во тој момент беа на трибините и во внатрешноста на објектот.
По деталната проверка било констатирано дека сирените се вклучиле напразно. Оние малкумина навивачи што се затекнаа во моментот на стадионот добија дозвола за враќање на трибините што се очекува да видат исполнети до последно место.
Во останатите вечерашни дуели во ЛШ ќе играат: Атлетико Мадрид – Ростов, ПСВ Ајндховен – Баерн Минхен, Базел – ПСЖ, Бенфика – Динамо Киев, Лудогорец – Арсенал и Борусија Менхенгладбах – Селтик.