„Кралевите“ ја совладаа Легија, како и се очекуваше, со 5:1, Лестер со максимален биланс, Порто со пресврт до три бода
Кристијано Роналдо ќе мора да почека до 100 гол во европските клупски настапи. Реал Мадрид броеше до пет против Легија во кои Португалецот учествуваше со две асистенции и без реализација. Бејл (16 минута), Асенсио (37 минута), Лукас (68 минута), Мората (84 минута) и Јодловиец (автогол 20 минута) беа стрелци за „кралевите“, Радовиќ (22 минута) од пенал го постигна единствениот за полскиот тим.
Борусија Дортмунд го совлада Спортинг во Лисабон со 2:1. Обамејанг (9 минута) и Вајгл (43 минута) им донесоа водство на „милионерите“ во првото полувреме, Сезар (67 минута) во второто успеа само да го ублажи заостанувањето на Португалците.
ЦСКА Москва не издржа докрај во дуелот со Монако (1:1). Русите поведоа со голот на Траоре во 34 минута, израмни Силва во 87 минута. На вториот меч во групата Б, Баер Леверккузен и Тотенхем одиграа без голови.
Лестер останува лидер во групата Г со максимален биланс по три меча. Англискиот првак на домашен терен го совлада Копенхаген с 1:0. Порто со пресврт во вториот дел го совлада Бриж со 2:1. Фосен (12 минута) обезбеди предност за Белгијците што во второто полувреме беше анулирана. Лајун (68 минута) израмни на 1:1, Силва во третата од продолжението погоди за три бода на екипата од „Драгао“.
Две победи на гостинските екипи изразени со 1:0 во мечевите од групата Х. Квадрадо беше стрелец за Јувентус против Олимпик во Лион, Насри погоди за Севилја во Загреб во дуелот со Динамо.
Лига на шампиони
Резултати, 3. коло
Група Е: ЦСКА Москва – Монако 1:1, Баер Леверккузен- Тотенхем 0:0. Табела: Монако 5 бода, Тотенхем 4, Баер Леверккузен 3, ЦСКА Москва 2.
Група Ф: Реал Мадрид – Легија Варшава 5:1, Спортинг Лисабон – Борусија Дортмунд 1:2. Табела: Борусија Дортмунд 7, Реал Мадрид 7, Спортинг Лисабон 3, Легија Варшава 0.
Група Г: Лестер – Копенхаген 1:0, Бриж – Порто 1:2. Табела: Лестер 9, Копенхаген 4, Порто 4, Бриж 0.
Група Х: Олимпик Лион – Јувентус 0:1, Динамо Загреб – Севилја 0:1. Табела: Јувентус 7, Севилја 7, Олимпик Лион 3, Динамо Загреб 0.