Исплатата на парични средства за јануари, февруари и март од 2020, согласно Законот за враќање на дел од ДДВ кај физичките лица, е веќе започната. Како што информираат од УЈП, во ова прво тримесечје од годината се скенирани вкупно 49.946.278 милиони фискални сметки, направен е промет во износ 21.957.355.689 милијарда денари со вкупен ДДВ од 2.292.026.352 милијарди денари.
Вкупниот број на регистрирани корисници на апликацијата МојДДВ до 31 март оваа година е 279.498. Повратот за ова тримесечје изнесува 343.803.953 милиони денари, односно 5.590.000 милиони евра. За донирање на својот поврат за овој квартал се изјасниле 8.700 граѓани.
Исплатата се врши во неколку етапи и ќе заврши согласно законскиот рок, односно во рок од 60 дена по истекот на календарското тримесечје во кое е издадена фискалната сметка. Управата за јавни приходи апелира до граѓаните да ги проверат своите трансакциски сметки и доколку има грешки во нив, да ги коригираат со цел навремена и ефикасна исплата.