Неодамна формираната православна црква на Украина доби независност, со што беше означена историската поделба од руската црква.
Вселенскиот патријарх Вартоломеј, во Истанбул го потпиша декретот за автокефалност или независност на новата украинска црква. Тој декрет ќе и биде предаден на украинската црква на 6 јануари, со што ќе се заврши дводневната церемонија. На церемонијата приусуствува и украинскиот претседател Петро Порошенко, кој допатува во Истанбул, а настанот се пренесува во живо на украинската државна телевизија.
Признавањето на независноста на украинската црква предизвика реакција во Русија. Руската православна црква, која е најголема во светот, веќе ги прекина врските со Цариградската патријаршија.
Украинската православна црква со векови била под патријаршијата во Москва. Сега, свештениците од киевската патријаршија станаа членови на новата Црква – православната црква на Украина.
Унапредувањето на украинската православна независност се интензивираше во 2014 година, кога Русија го анектираше Крим.