Денешната серија земјотреси која го погоди главниот град има силен импакт врз жителите на Скопје и околината. Многумина од нив по вториот посилен змјотрес кој беше почувствуван попладнево по 15:10 часот, со јачина од 5,1 степени по Рихтеровата скала, ги напуштија домовите и седат на отворено.
Велат, од стравуваат од можни нови потреси.
– Седев дома гледајќи телевизија и одеднаш почна да тресе. Не беше кратко, и со сопругата побегнавме. Ќе се вратиме дома кај да одиме. Овој земјотрес кој беше утрото како да беше предупредување за поголемиот во 15 и 10. Сите се излезени, гужва е, вели еден од соговорниците пред камерата на НОВА.
Улиците и парковите во Скопје и понатаму се полни со луѓе. Некои од нив исплашени од денешните потреси седеа во своите коли и избегнуваа да зборуваат пред камера, а има и такви кои ги пакуваат своите коли за вечерва да преспијат на село, викендица или друг град.
На некои постари градби пак, оштетени им се крововите, односно оџаците, а има и мали одрони од фасадите.
Скопје денеска го потресоа пет земјотреси. Најпрво околу 6:50 часот беше почувствуван посилен земјотрес за веднаш по него да следи и помал. Првиот беше со јачина од 3,9 степени по Рихтер, а вториот земјотрес со јачина од 2,8 степени.
По двата утрински земјотреси, попладнево по 15:10 часот беше почуствуван уште еден посилен, со јачина од 5,1 степени по Рихтеровата скала, со епицентарот на пет километри од центарот на градот во регионот на Скопска Црна Гора на длабочина од два километри.
По него следуваше помал и краток потрес. Околу 17 часот жителите на Љубанци, Радишани и околината повуствуваа ново, помлако стресување на земјиштето.
Дирекцијата за заштита и спасување на својата веб страна има објавено прирачник или упатство за постапување на граѓаните при случаи на земјотрес.
Во моментов заседава Центарот за управување со кризи.