Уставниот суд ги отфрли иницијативите за Одлуката за уставни измени

Уставниот суд на денешната седница со мнозинство гласови ги отфрли двете иницијативи поднесени на собраниската Одлука за пристапување кон измена на Уставот на Република Македонија oд 19 октомври годинава.

Иницијативите, како што велат од Судот, се отфрлени бидејќи Одлуката не претставуваат пропис и не подлежи на уставно-судска оценка.

Подносители на иницијативите за оценување на уставноста и законитоста на Одлуката се Светскиот македонски конгрес и физичко лице од Свети Николе.

– Со одлуката за пристапување кон измена на Уставот на Република Македонија евидентно е флагрантното кршење на Уставот и законите на државата Македонија и на меѓународното право, велат меѓу другото од Светскиот македонски конгрес.