Министерството за образование и наука информира дека утре почнува второто полугодие во основните и во средните училишта.
– Согласно препораките на Министерството за животна средина и просторно планирање, а имајќи ги во предвид и препораките на Интерсекторската работна група за следење на состојбата со квалитетот на амбиенталниот воздух, Министерството за образование и наука информира дека второто полугодие од учебната 2018/2019 година почнува утре, 23.1.2019 година и тоа за сите ученици од јавните и приватните основни и средни училишта во сите општини во Македонија, соопшти министерството.
Претходно, од Владата соопштија дека мерките и препораките за алармирање за прагот на загадувањето од утре се укинуваат, бидејќи концентрациите на ПМ10 честички паднале под утврдениот праг на алармирање на 200 микрограграми, иако загадувањето на воздухот и денеска е над дозволеното.
Последните мерења на мерните станици на Министерството за животна средина и просторно планирање покажуваат концентрации на ПМ 10 честички од 84 во Центар, 97 во Карпош, 131 кај Ректорат, 120 во Миладиновци и 70 во Бутел.
Мерките за заштита од загадувањето беа воведени од страна на Владата во неделата, а се применуваа вчера и денеска. Денеска се очекува да бидат укинати, бидејќи загадувањето е под прагот на алармирање од 200 микрограми.