Во петок во 13 часот ќе се одржи конститутивна седница новиот состав на Собранието, информираа од собраниската служба.
„Врз основа на член 63 од Уставот на Република Македонија кој предвидува дека новоизбраното Собрание се состанува на конститутивна седница најдоцна 20 дена од одржаните избори и конститутивната седница ја свикува претседателот на Собранието од претходниот состав, Вељаноски ја закажа конститутивната седница на деветтиот парламентарен состав за петок, 30 декември 2016 година во 13 часот“, пишува од соопштението на Собранието.
На 9 јануари претседателот Ѓорге Иванов треба да му го додели мандатот на победникот на изборите. На 29 јануари треба да се направи предлог за нова Влада, а на 9 февруари, новите пратеници ќе гласаат за владата.
На овие избори, ВМРО-ДПМНЕ освои 51 пратеник, СДСМ 49, ДУИ 10 пратеника, БЕСА 5 пратеника, Алијанса на Албанците 3 пратеника и ДПА 2 пратеника.