Судијката Добрила Кацарска и тројцата судии поротници повеќе не постапуваат во предметот „Поткуп“. Тоа значи дека тие нема да одлучуваат за пресудата која ќе ја донесе судот.
По паузата што беше дадена во судот главниот судија Дарко Тодоровски се врати сам во судница и појасни дека ги ослободил тројцата судии поротници и судијката Кацарска, бидејќи согласно новите измени, тој сам треба да постапува и да донесе пресуда за овој случај.
Судијата Тодоровски појасни дека во овој случај нема да важат ниту доказите обезбеди со примена на Посебни истражни мерки и дека за нив судот ќе се произнесе при соопштување на одлуката.
Откако обвинителката Валентина Беслимовска направи измена на обвинението, од примање, во барање поткуп повеќе не е потребно во предметот да постапува петчлен судечки совет. Петчлен совет од судии и судии поротници постапува само во предмети каде е предвидена затворска казна подолга од пет години, како што е случајот со примање поткуп за што е предвидена казна затвор од 4 до 10 години.
Но, за барање поткуп, она во што обвинителката го промени првичното дело, законот предвидува затворска казна од 1 до 5 години.
Премиерот Зоран Заев по рочиштето изјави дека е задоволен што преку институциите имал можност да ја докаже својата невиност во случајот, истакнувајќи дека ќе ја почитува секојасудска одлука каква и да биде.
-Преку преквалификацијата на обвинението, со самото тоа и потврдата на незаконтоста на ПИ мерките за снимање на просторите и слушање на телефоните, докажува каква била злата и незаконска намера заради политички цели да се злоутребат институциите на РМ против мене во тоа време како шеф нан опозицијата за да бидам спречеи и дискредитиран при објавуњето на проектот „Вистината за Македонија“, изјави Заев најавувајжи дека во понеделник напладне же биде објавена пресудата.
Според него, преквалификацијата е најмалку што може да направи Обвинителството, за како што рече да ја зачува честа и угледот, додавајќи дека е срам за Обвинителството за тоа што било злоупотребено во тоа време. Тоа што Обвинителството не се повлекува од обвинението, според негово убедување е за да не го потврди срамот.
Одговарајќи на новинарско прашање, дали очекува Советот на обвинители да покрене постапка против обвинителетлите што го покренаа овој процес, Заев рече дека неговата одбрана поднела кривични пријави против обвинителите кои го „организирале овој случај, а сведокот тоа го потврди“. Тој се надевба дека овие процеси ќе завршат до крај.