Алис Вајдел, претседателката на ултрадесничарската партија Алтернатива за Германија (АфД), им се обрати на своите поддржувачи по објавувањето на првичните изборни резултати. Според објавените изборни анкети, партијата освоила нешто помалку од 20 отсто од гласовите.
-Го удвоивме бројот на гласови, додека други изгубија половина од своите, им порача таа на насобраните поддржувачи, предизвикувајќи овации. „Ако овие први резултати се точни, тогаш знаеме што да очекуваме“.
Вајдел изјави дека нејзината партија е подготвена да учествува во идната влада.
-Нашата рака секогаш ќе биде подадена за учество во власта, за да ја спроведеме волјата на народот, волјата на Германија, им рече Вајдел на симпатизерите.
Централно-десничарскиот блок ЦДУ/ЦСУ води според излезните анкети, а лидерот на коалицијата Фридрих Мерц постојано ја отфрла можноста за коалиција со АфД.
Вајдел се осврна и на можноста партијата со најмногу освоени гласови, ЦДУ на Фридрих Мерц (околу 28 отсто) да соработува со левичарските партии во новата влада.
-Ако ЦДУ ја предаде својата програма и одлучи да соработува со Левицата, можам да ве уверам дека следните избори ќе дојдат побрзо отколку што очекуваат и тогаш ќе ја престигнеме ЦДУ како најсилна партија во Германија, рче Вајдел.