Последното истражување на вакцината на Фајзер кај адолесцентите од 12-18 години, покажа 93 процентна ефикасност во делот, болните од ковид-19 на оваа возраст, да не „завршат“ во болница. Дури и во периодот на летото кога имаше покачување на бројот на случаите на коронавирус низ САД, поттикнато од варијантата делта, вакцината Фајзер се покажа 93% ефикасна во држењето на адолесцентите од 12 до 18 години надвор од болниците, се вели во анализата на неколку американски Центри за контрола и превенција од болести, објавена вчера.
Извештајот може да помогне да се зголеми апликацијата на вакцината кај деца на возраст од 5 -11 години, откако ќе биде одобрена најверојатно во наредните недели.
„Наодите ја зајакнуваат важноста на вакцинацијата за заштита на младите во САД од тешка ковид-19 инфекција, пишуваат авторите во истражувањето.
Инаку, вакцината „Фајзер“ е единствената во моментов овластена вакцина за адолесценти во САД. Модерна побара овластување за својата вакцина, но допрва треба да го прими а, Џонсон и Џонсон вакцината, сеуште прави тестови од својата апликација кај тинејџерите.
Центрите за контрола и превенција од болести, спроведоа „истрага“ во 19 педијатриски болници во 16 држави од 1 јуни до 30 септември, кога варијантата на делта буквално беснееше низ целата земја.
Агенцијата откри дека 97% од 179 адолесценти хоспитализирани со ковид-19 во тој период, не биле вакцинирани, 77 од нив односно 43% морале да бидат примени на одделот за интензивна нега, а двајца починале. Меѓу шесте целосно вакцинирани младинци кои биле хоспитализирани, ниту еден не отиде на инвазивна терапија и ниту еден не почина, стои во извештајот.