Локдаун рестриктивните мерки се намалуваат низ побогатите земји. Во Франција ќе се отворат продавниците, баровите и културолошките простори. Исто така најавено е дека од среда во Франција на групи до шест лица им е дозволено да јадат заедно на тераси на отворено ресторани.
Австрија, пак, дозволи ресторани, кина и театри да се отворат за прв пат по шест месеци.
Д-р Рошел Валенски, директорката на центар за контрола на болести во САД, стои зад својата одлука да се дозволи на целосно вакцинирани луѓе да не носат маски. Според The New York Times 124.5 милиони луѓе се веќе целосно вакцинирани во САД.
Овие вести се само уште еден симптом на вакцинациската нееднаквост низ светот. Додека во САД скоро половина од населението е целосно вакцинирано, Антонио Гутерез, генералниот секретар на Обединетите Нации, објасни минатата недела дека повеќе земји во развој немаат добиено ниту една доза од било која од вакцините. Тој апелираше да се дуплира производството на Ковид вакцини за да се спречи развојот на нови мутации од вирусот – нешто што би било лошо за сите. Односно Гутерез посочи дека вакцинациската еднаквост е во интерес на целиот свет.
Проф. Ендру Полард, еден од луѓето кои работеа на развојот на Астра-Зенека/Оксфорд вакцината и директор на Oxford Vaccine Group, денес излезе со сличен апел, сметајќи дека вакцинациската нееднаквост мора итно да се смени.
„Главната цел на глобалната програма за вакцинирање во пандемија е да се превенира повеќе луѓе да умрат,“ им кажа проф. Полард на една британска парламентарна група. „Работев во Непал и Бангладеш и колегите таму се соочуваат со најужасните околности – тие не работат во ситуација кога има National Health Service (британската национална здравствена организација) да ги поддржува.“
Индија, која сѐ уште жестоко се бори против пандемијата, конечно доживува мал пад во случаите со Корона вирус. Вчера беа регистрирани 267 174 позитивни случаи во Индија по долги недели со над 300 000 случаи дневно во една од најнаселените земји во светот. Соседната држава Непал – која има популација од 28 милиони жители – сѐ уште има висок број на случаи и се соочува со здравствен систем кој е пред колапс. Вчера беа регистрирани 8 136 случаи во Непал. Во Бангладеш – држава со 163 милиони жители – има одреден пад во регистрираните Корона вирус случаи. Вчера беа регистрирани 1 272 позитивни случаи.
“Се чувствува целосно погрешно да се биде во морална ситуација во која дозволуваме [овој степен на смртност] да се случи, додека во многу земји вакцините се даваат на помлада и помлада популација која е изложена на многу, многу мал ризик. Децата имаат скоро на нула ризик од тешка болест или смрт,” додаде проф. Полард.
Ковакс, меѓународната шема за обезбедување еднаков пристап до вакцините Ковид, во моментов има недостиг од 140 милиони дози, по нарушувањето во снабдувањето од Индија.
Исто така Германија која пред неколку недели ги блокираше преговорите во Светската Трговска Организација (СТО) за ослободувањето на патентите на Ковид вакцините преку олабавувањето на дел од таканаречените TRIPS закони, сѐ уште ја нема сменето својата позиција по ова прашање. Заради тоа што СТО функционира на принципот на консензус, за сега нема начин да се започнат овие преговори без Германија да ја промени својата позиција.
Елена Гаговска