Европската унија работи напорно за да ги убеди Бугарија и Северна Македонија да го решат спорот и да го отворат патот за пристапни преговори со ЕУ за Северна Македонија и Албанија, изјави во Тирана еврокомесарот за проширување Оливер Вархеји.
Тој рече дека доцнењето на Брисел за отпочнување на разговорите за членство во ЕУ со владите на Тирана и Скопје ја доведува во прашање безбедноста и довербата во Унијата.
Тој напомена дека „наша цел е оваа работа да заврши за време на француското претседавање“ и доколку е потребно тој секојдневно ќе оди во Скопје и Софија.
– Мора да почнеме со вистинска интеграција на терен. Доцнењето на Брисел за отпочнување на разговорите за членство во ЕУ со владите на Тирана и Скопје ја доведува во прашање безбедноста и довербата во Унијата, рече тој на прес-конференција со албанскиот премиер Еди Рама, нагласувајќи оти е потребно воспоставување стабилност на Западен Балкан.
Во објава на Твитер, пак, Вархеји напиша дека е „крајно време е да го исполниме нашето ветување и да ја одржиме првата меѓувладина конференција што е можно поскоро“