Хрватска е нов светски шампион во ватерполо. „Коцкестите“ во финалето на СП во Будимпешта ја совладаа Унгарија со 8:6 (по четвртини: 4:0, 0:2, 2:2, 2:2) и по вторпат во историјата го презедоа планетарниот трон.
Мечот за титулата беше решен уште во воведната четвртина која хрватските ватерполисти ја добија со 4:0. Убедливото водство го одржа до крај и во ниту еден момент не дозволија на домашната селекција да се доближи и внесе неизвесност во финалето.
Листата на стрелци кај новиот светски првак ја предводеше Сандро Сукно со три гола, Хавиер Гарсија постигна два, а по еден реализираа Марко Мацан, Лука Лончар и Марко Јоковиќ. Најефикасен во поразената селекција беше Мартон Вамош со три погодоци.
Бронзениот медал на шампионатот го освои Србија чии ватерполисти во натпревар за третото место триумфираа над Грција со 11:8 (по четвртини: 5:3, 2:1, 3:3, 1:1).
Сукно го понесе и признание МВП во големото финале, за најкорисен играч во утешното беше прогласен Андреа Прлаиновиќ. Најдобар стрелец на турнирот е Гркот Јоанис Фунтулис со 23 гола дпдека најдобар голман е Унгарецот Виктор Виктор.