Нема ништо поголемо од тоа церемонијата со Oскарите да му даде можност да се обрати пред сите нас… Ако филмската академија не овозможи на лидерството во Украина, кои примаат куршуми за да ги заштитат своите домови и своите деца, тоа ќе биде најсрамниот момент во целата историја на Холивуд, изјави Пен.
Актерот и режисер, Шон Пен, изјави дека „јавно“ ќе ги стопи статуетките од наградата Оскар што ги има добиено и ќе повика на бојкот на церемонијата доколку на украинскиот претседател Володмир Зеленски не му се даде можност да се обрати на настанот.
Во изјава за Си-Ен-Ен, тој кажа дека дознал дека Aкадемијата одлучила Зеленски да не учествува во церемонијата на доделување Оскарите, што се оддржува вечерва ( во 2.00 часот по полноќ по наше време,н.з.) во Долби театарот.
– Нема ништо поголемо од тоа церемонијата со оскарите да му даде можност да се обрати пред сите нас… Ако филмската академија не овозможи на лидерството во Украина, кои примаат куршуми за да ги заштитат своите домови и своите деца, тоа ќе биде најсрамниот момент во целата историја на Холивуд, изјави Пен.
Додаде дека ако тоа се случи, тој ќе повика колегите да протестираат и да не учествуваат на церемонијата.
– Јас самиот, кога ќе се вратам, ќе ги стопам моите статуетки јавно, рече актерот.
Американскиот глумец патуваше во Украина за собирање донации за настраданите од војнатаи и неколку пати се сретна со претседателот Зеленски, а деновиве е во Варшава каде завршува документарна продукција за војната на Русија во Украина.
Церемонијата на доделувањето на Оскарите ќе може да се следи и преку ABC на Твитер:
Join us for the most celebrated event of the year 🎉 The #Oscars are live TONIGHT on ABC. pic.twitter.com/11c9md2BJD
— ABC (@ABCNetwork) March 27, 2022