Велија Рамковски излезе од затворот „Идризово“, прв пат по 7 години

По речиси седум години поминати во затворот „Идризово“, поранешниот сопственик на А1 телевизија Велија Рамковски денеска излезе на слобода, објави Фокус.

Тој беше осуден на 13 години затвор, но како што неофицијално дознаваме добил привремен отпуст за лекување, поради што денеска бил ослободен. Ова значи дека по неколку месеци, Рамковски повторо ќе се врати зад решетки. Но доколку до тогаш поминат 8,6 години, од моментот кога беше притворен, тогаш може да добие и целосно ослободување, бидејќи ќе одлежи две третини од казната, по што може да бара условен отпуст.

НОВА ТВ стапи во контакт со Рамковски, кој изјави дека за прв пат добил можност да излезе од затворот „Идризово“. Отпустот го побарал поради здравствени проблеми.