ЦУК со свој тим  симболично даде поддршка на заедничката порака на Светскиот ден на бегалците – Секој секаде, секогаш има право да бара сигурност.

Центарот за управување со кризи (ЦУК) со свој тим велосипедисти, составен од вработените, се придружи на велосипедската тура „Возиме за бегалците“ што е организирана по повод 20 Јуни, Светскиот ден на бегалците. Со тоа и симболично ЦУК даде поддршка на мотото на велосипедската тура во Скопје, што како замисла беше планирана за сите учесници, заедно да ја испратат пораката: – Секој секаде, секогаш има право да бара сигурност.

Стартот за велосипедистите беше реализиран од три места во Скопје.

На секоја од трите тури имаше назначени редари кои ги насочуваа велосипедистите кон крајната заедничка дестинација во централниот дел на Градскиот парк во населбата „Центар“. Црвениот крст на град Скопје со две медицински екипи беше присутен во случај на медицинска потреба кај учесниците на велосипедската тура.

Тимот велосипедисти на ЦУК, составен од рекреативни велосипедисти, меѓу кои имаше и пасионирани велосипедисти за долги патеки коишто редовно, речиси секој викенд поминуваат и над 100, па и до 250 километри долги тури во нашата држава, а и по територијата и на соседните држави.

Пример за таков пасиониран велосипедист од ЦУК е и нашиот колега Муџаир Асани – Џаич, кој  возеше со делот од велосипедскиот тим на ЦУК што тргна од Аеродром.