Ајкулата која уби две жени во Хургада, Австријка и Романка е наводно е убиена. На социјалните мрежи се појави видео на кое се гледа како луѓето го извлекуваат телото на огромната ајкула од водата. Веднаш било утврдено дека се работи за тигреста ајкула, а резултатите од анализата се очекуваат во наредниот период.

Првиот напад на ајкула се случил во петокот околу 19 часот, релативно блиску до брегот, пред многу луѓе, од кои некои се обиделе да и фрлат јаже на несреќната Австријка за да се спаси.

Во понеделник на социјалната мрежа ТикТок, Србинка, која се наоѓа во Хургада, со своите следбеници ги сподели деталите за нападот на ајкулата врз жената, како и фактот дека ајкулата е убиена.

„Жената пливала во недозволено време, во седум часот, тука е дозволено пливање до шест. Ја каснала за бутот, за артеријата и таа искрварила до смрт. Почина во болница од адреналински шок, срцето најверојатно и застанало. Не е виновна ајкулата, виновна е жената што не ги почитувала правилата. Она што овде велат е дека треба да го почитуваме морето затоа што ние „сме негови посетители, а не да се однесуваме како што сакаме“. Ајкулата беше убиена, но велат дека кога ќе се случи напад, ја чипираат, ја враќаат во морето и ги следат нејзините движења за да не се случат повеќе напади“, раскажа таа.

Нападите на ајкули во Египет се ретки, но Црвеното Море има повеќе од 44 видови риби, од кои некои можат да бидат смртоносни. Најчести се сивите ајкули долги речиси два метри, кои имаат 13 или 14 остри заби. Пливаат во плитки води длабоки околу 60 метри или помалку.

Ајкулата што ги нападна несреќните жени припаѓа на видот мако. Мако е брза и потенцијално опасна ајкула. Возрасните примероци можат да бидат долги 4,5 метри и да тежат над 500 кг. Се хранат со риби како харинга, скуша, сабјарка, но и со цицачи како што се малите китови.