Најмалку четири лица загинале, а 13 се повредени кога автобус влетал во пешачки подземен премин во Москва, јави агенцијата ТАСС.
Несреќата се случила во близина на метро станицата Славјански булевар кога во преминот имало голем број луѓе.
Во моментот на несреќата во преминот имало голем број луѓе.
Министерството за внатрешни работи потврди дека четири лица страдале во несреќата, а возачот на автобусот е задржан во притвор.
Полицијата истражува две можни причини кои довеле до несреќата, пренесува агенцијата РИА, повикувајќи се на неименуван извор.
Руските власти ја отфрлија можноста за терористички напад, велејќи дека се сомневаат во механичка грешка или дека возачот ја загубил контролата над автобусот.
Од полицијата велат дека го испрашуваат возачот, а медиумите го цитираат градоначалникот на Москва Сергеј Собјанин дека наредил да бидат проверени сите автобуси во градот.