Во мај догодина, и официјално, почнува целосната реконструкција и надградба на „Камп Ноу“ (на шпански значи „Нов дом“). Градежните зафати ќе траат до 2021 година и ќе чинат 600 милиони евра. Важи за најголем стадион во моментот во Европа и како еден од симболите на светскиот фудбал.
Изграден е во 1956 година и има капацитет од 98.800 седишта. Оттогаш претрпе две реновирања, во 1980 година и во 1994 година, но ова сега ќе биде драстично различно.
По завршување на проектот, домот на фудбалскиот клуб Барселона ќе има покрив, трибини со нови простории и содржини, 105.000 седишта и нов, пострмен, прв круг на што ќе овозможува и подобар поглед и преглед на теренот. Најинтересно во целата работа е што Барселона нема да се сели за време на работите туку ќе игра на градилиштето.
Надворешните зафати на трибините и на околината на стадионот ќе се одвиваат во текот на сезоната, а зголемување на трибините и изградба на кровната конструкција е планирана во летните месеци во паузите меѓу две изданија на Примера. На конкурсот победи идејното решение на јапонската компанија „Никен Секеи“ во конкуренција на седум други кандидати.
Проектот ќе го изведува во соработка со шпанското студио „Пасквал&Аусио Аркитекте“. Правото на користење на името на новиот стадионот ќе биде ставено на продажба. Тоа значи дека кон сегашното „Камп Ноу“ ќе биде додадено и името на брендот кој ќе внесе околу 200 милиони евра за покривање на една третина од трошоците.
Со проектот, покрај фудбалскиот стадион, ќе бидат опфатени и новиот дом на секциите на Барселона во спортови во сала, „Палата Блауграна“ со капацитет од 10.000 места на старата локација и преместување на т.н. „Министадион“ со капацитет со капацитет од 7.000.