Дебатата во Унеско за статусот на Охрид и дали да се стави на листата на загрозено светско културно наследство заврши, но одлуката ќе се соопшти утре по барање на претставникот од Албанија кој побара Комитетот пред да ја потврди одлуката уште еднаш да размисли и да даде дополнителен рок во кој Владата би можела да ги исполни барањата.
Претставниците на Комитетот на УНЕСКО и на Меѓународната Унија за конзервација на пририродата (IUCN) побараа Охрид да биде прогласен за загрзено наследство затоа што „најголем дел од препораките не се исполнети“. Тие потсетија дека за проблемите се алармирало уште од 2013 година, но наместо запирање на урбанизацијата, таа само се интензивирала и препораките се игнорираат повеќе од 21 година.
Претставничката на Меѓународниот совет на споменици и градови( ICOMOS) нагласи дека оваа мерка треба да се воведе итно за да се спречи уништувањето на културното и природното наследство и вредност.
И невладиниот сектор даде поддршка за препораката на Комитетот – претставничка на невладиниот сектор од Австрија гласно побара УНЕСКО да не се повлекува и да ја потврди одлуката со која Охрид ќе се стави на црвената листа на земји.
„Честитам на Комитетот кој даде јасна слика за ситуацијата во Охрид за сериозните закани за културното и природното наследство со кој Охрид се соочува со години. Со ваквата одлука меѓународната заедница ќе го вклучи алармот и ќе ја подигне свеста не само на политичките лидери туку и на бизнис заедницата и на граѓаните дека сегашната ситауција е спротивна на принципите на одржлив развој и на принципите за одговорно однесување со светското културно наследство. Ние сме убедени дека ако се усвои ваквата препорака УНЕСКО ќе ја преземе одговорноста да биде чувар на ова светско наследство“ кажа претставничка на невладина организација од Австрија.
Владината делегација во дебатат побара одлуката да се одложи затоа што новата Влада презела значителни мерки но немала време да ги исполни сите. Министерот Едмонд Адеми зборуваше кажа дека Владата ја запрела изградбата на ски центарот на Галичица и дека редовно се проверува квалитетот на водата, а формиран е Координативен тим кој ќе работи на исполнување на сите препораки.