Поранешниот премиер осуден на затворска казна од две години Никола Груевски излезе од Судот во Будимпешта на страничниот излез и одби да одговори на прашањата на новинарите.
„ Денеска не одговорам на прашања, во друга прилика“ рече Груевски. Новинарите го прашуваа за одлулата на Судот, дали ќе се врати во Макоднија, дали се плаши од нешто што молчи, дали побарал унгарско државјанство и дали користи унгарски јавни пари за да се финансира, но Груевски молчеше на сите овие прашања.
По наредба на Судот, Груевски утринава беше приведен – тој со придружба од полиција и со лисици на рацете влезе во Судот со наочари за сонце и безбол капче.
Судијката одлучи да го одбие барањето за есктрадиција затоа што има статус на бегалец.
Унгарските власти не можат да ги докажат тврдењата на македонските судски органи, веродостојноста на пресудите и обвиненијата, можат само да ги испитаат законските услови за екстрадиција кажа судијката .
„Статусот на бегалец е пречка за секое понатамошно барање за екстрадиција. Според законот, лицето кое добило статус на бегалец не може да биде екстрадирано во државата од која тој или таа избегал“ кажа судијката.
Одлуката ќе биде испратена до Министерството за правда.
Новинарите на hvg.hu пишуваат дека судењето најверојатно требало да помине без присуство на јавноста – затоа што вчера попладне на таблата каде се закажуваат судења, не било името на Никола Груевски. Судот утринава известил за судењето.
Судијката исто така навела дека не е застарена ниту една постапка која се води против Груевски во Македонија за злоупотреба на функцијата, изборна измама, учество во криминална организација и поттикнување на злосторства против јавниот ред, така што „казната во принцип постои, но унгарскиот суд може само да ги испита само законските услови за екстрадиција“.
Во сдуницата, Груевски кажа дека ја разбира одлуката и дека нема намера да поднесе жалба.
Видеото е преземено од hvg.hu.