Американската агенција за истражување на вселената објави фотографии кои сведочат за последиците кои ураганот Ирма ги остави врз Карибите, каде во голема мерка е уништен растителниот свет. Ураганот корнеше дрва и се останато, така да некои карписки острови го променија и изгледот и бојата – некогаш зелените острови со бујна вегетација станаа кафени.

НАСА објави слики на кои се гледа разликата во изгледот на островот пред и по ураганот пренесува Бизнис инсајдер.
Карибите, како што се наведува, станале кафени, бидејќи останала само земјата, растенијата се откорнати од корен, а гранките и листовие останале исушени на површината.

Сателитот „Landsat 8“ги сними Девствените острови каде океанот сега и посветол и поплав.

Ураганот Ирма го опустоши и карипскиот остров Барбуда, а ова преубаво место стана целосно ненаселено. И денес, прв пат после триста години овде не живее ама баш никој.

„Штетата е целосна. Ова е хуманитарна катастрофа. Прв пат во 300 години овде нема жив човек. Цивилизацијата која овде постоеше 3 века е целосно избришана“, рече амбасадорот на Антигва и Барбуда при ОН Роналд Сандерс.

Антигва и Барбуда се наоѓаат југоисточно од Порторико каде се среќаваат Атлантскиот океан и Карпиското море.

Суверена држава станале во 1981 година како дел од британскиот комонвелт. Во јули е проценето дека на островите живеат скоро 95 илјади луѓе, а 97 отсто на Антигва.