Американската НФЛ лига има нов шампион. Канзас, по пола век, да ја освои титулата во спектаклот наречен Супербол по триумфот над Сан Франциско со 31:20. Финалето што се одигра во Мајами, изобилуваше со акции и возбудувања, а на крајот „чифси“ успеаја да го прекинат петдеценискиот пост и за првпат по 1970 година да го заклучат трофејот во своите витрини.
Најголеми заслуги за тоа има одличниот Патрик Махомс, јунак на финалето и квотербек кој беше „главен виновник“ за пресвртот во четвртата четвртина и големо славје на Канзас. Неговите играчи, практично, беа пред пораз и повторно се соочуваа со пропуштена прилика за победа по негативата од 10:20 што ја имаа по трите периоди.
Но, сепак, најкорисниот поединец во мечот, Махомс, реши да се впише во историјата. Во последниот период фрли неверојатно додавање од 45 јарди кон Тајрик Хил што резултира со тачдаун и резултатско враќање во живот на „чифси“. Педесет и четвртото Супербол финале го заврши со 286 јарди и две додавања за тачдаун. Имаше и 29 истрчани јарди од тачдаун со кои ги „поништи“ двете пресечени додавања во раната фаза на натпреварот.
Канзас во последната четвртина доби нова доза на енергија и по додавањето на Махомс до Демиен Вилијамс стигна до пресврт на нешто помалку од три минути до крајот. Покрај Махомс, одлична вечер имаше и Енди Рид кој истрча 104 јарди. Кон таквиот физички ефект додаде и еден фатен и еден истрчан тачдаун и тоа во последната четвртина што „чифси“ ја добија со 21:0.