На охридското крајбрежје се случил трагичен настан денеска попладне кога починал средовечен маж. Неофицијално, тој доживеал срцев удар.
Безживотното тело на човекот било извадено од водите на езерото на плажата кај хотелот Метропол, а на снимката се гледа како напомош на давеникот трча министерот за здравство, Венко Филипче. Тој се задесил во близина, бидејќи присуствувал на отворањето на Европскиот маратон.
Филипче 20-тина минути го реанимирал човекот, кој бил на околу 70-годишна возраст, но, за жал, веќе било предоцна тој да се спаси.