На Жозе Мурињо не му беше сеедно на „Стемфорд Бриџ“ денеска. Можеби крај аут-линијата изгледаше цврсто, но голема горчина се таложеше во душата на Португалецот додека неговиот неговите фудбалери примаа гол по гол на теренот.
„Специјалниот“ имаше непријатно враќање на местото на ккое ја стекна сета слава. Челзи го декласира Манчестер јунајтед со 4:0 во дербито на деветтото коло во Премиерлигата. Педри и Кејхил погодија во првото, Азар и Канте во второто за најубедливиот триумф на „сините“ во оваа сезона.
По мечот двајцата менаџери имаа „блиска“ средба по ракувањето. Мурињо се задржа неколку секунди на уво на Конте шепотејќи му. Но, реакцијата на Италијанецот даде до знаење дека колегата имал некакви забелешки. Што содржеше неговиот „мини говор“ не сакаше да каже на прес-конференцијата по средбата.
Видео клипови од „средбата“ се најдоа на интернет. Мурињо долг период работеше во Серија А и одлично го познава италијанскиот јазик, па сонародниците на Конте го „провалија“ Португалецот.
„Немој да се радуваш така на 4:0. Во ред е тоа да го правиш на 1:0 ама нема потреба да скокаш на 4:0. Тоа е понижувачки за нас“.
Составот на Антонио Конте можеше да забележи уште поубедлив триумф. „Сините“ имаа и неколку големи шанси што останаа неискористени за разлика од гостите од „Олд Трафорд“ кои, речиси, и да не се заканија.
Лидер на табелата е Манчестер сити со 20 бода колку што имаат и Арсенал и Ливерпул меѓутоа со подобра гол разлика. Веднаш зад триото, со само бод помалку, се Челзи и Тотенхем. На дното е екипата на Сандерленд која е единствена без победа во сезоната.
Премиерлига
Резултати, 11. коло
Челзи – Манчестер Ј. 4:0
Манчестер С. – Саутемптон 1:1
Ливерпул – ВБА 2:1
Арсенал – Мидлсборо 0:0
Барнли – Евертон 2:1
Хал – Стоук 0:2
Лестер – Кристал палас 3:1
Свонси – Вотфорд 0:0
Вест Хем – Сандерленд 1:0
Борнмут – Тотенхем 0:0
Табела: Манчестер сити 20, Арсенал 20, Ливерпул 20, Челзи 19, Тотенхем 19, Евертон 15, Манчестер јунајтед 14, Саутемптон 13, Вотфорд 12, Борнмут 12, Кристал палас 11, Лестер 11, ВБА 10, Барнли 10, Вест Хем 10, Стоук 9, Мидлсборо 7, Хал 7, Свонси 5, Сандерленд 2.