Тој изјави дека има „сериозна и непосредна закана по здравјето, безбедноста и благосостојбата на граѓаните“ во подрачјето на реката Игл, на периферијата на градот

За жителите на предградие на Енкориџ во Алјаска е наредена евакуација, откако огромна лавина го затрупа патот. Се стравува и од други лавини.

Градоначалникот на Енкориџ, Дејв Бронсон вчера ден издаде налог за евакуација. Тој изјави дека има „сериозна и непосредна закана по здравјето, безбедноста и благосостојбата на граѓаните“ во подрачјето на реката Игл, на периферијата на градот.

Лавината се спуштила ноќта во четвртокот, покривајќи го главниот пат со снег висок 24 метри. Отсечени се околу 100 домаќинства, некои останаа и без струја.

Станува збор за огромна лавина. Експерти ја опишаа како нешто што се случува еднаш во сто години, појасни менаџерката на општината Енкориџ, Ејми Дембоски.