Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

(ВИДЕО)Путин: Немаме „валкани“ материјали за Трамп, нападите се смешни

0
By Нова ТВ on July 17, 2018 СВЕТ
СПОДЕЛИ
Facebook Twitter LinkedIn Email

Русија нема никакви материјали што би го компромитирале американскиот претседател Доналд Трамп, изјави рускиот претседател Владимир Путин во интервју за телевизијата „Фокс њуз“.

– Немаме никакви компромитирачки материјали и не можеме да имаме. Се плашам да не го навредам господинот претседател Трамп и да излезам нељубезен, но пред да објави дека ќе биде кандидат за претседател, тој не претставуваше никаков интерес за нас, рече рускиот претседател во интервјуто кое го даде во Хелсинки.

Според него, напорите на западните земји да ја изолираат Русија, пропаднале.

– Гледате дека тие напори не беа успешни. И не можеа да бидат успешни, со оглед на големината и значењето на Русија во светот, вклучително и во глобалната безбедност. А и во економијата, имајќи ја предвид енергетската компонента на светската економија како минимум, изјави Путин.

Тој рече дека Русија ќе биде крајно негативна кон понатамошно проширување на НАТО со Грузија и Украина.

– За нас тоа е директна закана за нашата безбедност. Придвижувањето на инфраструктурата на НАТО кон нашите граници ќе претставува закана за нас и ние ќе се однесуваме кон тоа крајно негативно. Но денеска со претседателот Трамп не зборувавме за тоа, нагласи рускиот претседател.

Тој исто така додаде дека Трамп го смета Крим за дел од Украина.

– Информирани сме за ставот на претседателот Трамп, дека Крим е дел од Украина. Тој ми го кажа тоа денеска, изјави Путин и додаде дека според Москва, Крим не е анектиран и оти населението гласало за присоединување кон Русија.

– Ако тоа е анексија, тогаш што е демократија, праша рускиот претседател.

Според него, односите меѓу Русија и САД не треба да станат заложници на американската истрага за вмешаноста на Русија во претседателската кампања во САД во 2016 година.

– За мене е доволно јасно дека станува збор за внатрешнополитичка борба во Соединетите Држави, рече Путин во врска со истрагата на специалниот обвинител Роберт Малер кој обвини 12 агенти на руското разузнавање пред вчерашната средба меѓу Путин и Трамп.

– Не е во ред односите меѓу Русија и САД да бидат заложници на внатрешнополитички борби, додаде рускиот претседател.

Тој ги нарече неосновани обвинувањата за труење на уште две лица со нервниот агенс Новичок во Велика Британија по труењето на поранешниот руски двоен агент Сергеј Скрипал и неговата ќерка.

Путин исто така му кажал на Трамп, дека Русија е подготвена да го продолжи Договорот за намалување на стратешките оружја СТАРТ откако ќе истече во март 2021 година.

– Го уверив претседателот Трамп, дека Русија е подготвена да го продолжи тој договор, но прво треба да се договориме за конкретни работи, затоа што имаме прашања кон нашите американски партнери. Ние сметаме дека тие не го исполнуваат договорот во целост, но тоа треба да го решат експерти, рече тој.

Путин ги отфрли обвинувањата дека се променил откако првпат беше избран за претседател на Русија во 2000 година, кога бил фален како реформатор и демократ.

– Во ништо не сум се променил, јас сум таков, каков што сум, каков што сум бил. Бев избран за претседател на Руската федерација како возрасен маж. На таа возраст односот кон животот не се менува, но треба да се реагира на она што се случува околу нас, изјави Путин во интервјуто.

интервју Путин Трамп
Share. Facebook Twitter LinkedIn Email
ТИКЕР

Меркел: Дали Путин ќе ја нападнеше Украина ако не се случеше пандемијата?

October 6, 2025

Се преврте чамец со 11луѓе во Дунав кај Бачка Паланка, има настрадани

October 6, 2025

Довербата во германската владина коалиција падна на рекордно ниско ниво

October 5, 2025

Турските власти го забранија концертот на Роби Вилијамс во Истанбул поради безбедносни причини

October 5, 2025

„Златна треска“ во приморкса Бугарија по веста дека поплавата однела сеф со милиони лева и со и златни прачки

October 5, 2025
ФОКУС

НБ: Преку СЕПА, од утре побрзи и поевтини плаќања во евра за граѓаните и компаниите

ВЕСТИ October 6, 2025

Започнувајќи од утре, граѓаните и компаниите ќе можат да ги извршуваат плаќањата во евра со…

Во Египет почнаа индиректни преговори помеѓу Израел и Хамас

October 6, 2025

По само нецел месец францускиот премиер Себастијан Лекорну поднесе оставка

October 6, 2025

Израел и Хамас почнуваат преговори во Египет за мировниот план на Трамп за Газа

October 6, 2025
ТИКЕР

Меркел: Дали Путин ќе ја нападнеше Украина ако не се случеше пандемијата?

October 6, 2025

Се преврте чамец со 11луѓе во Дунав кај Бачка Паланка, има настрадани

October 6, 2025

Довербата во германската владина коалиција падна на рекордно ниско ниво

October 5, 2025

Турските власти го забранија концертот на Роби Вилијамс во Истанбул поради безбедносни причини

October 5, 2025

„Златна треска“ во приморкса Бугарија по веста дека поплавата однела сеф со милиони лева и со и златни прачки

October 5, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.