Жестока расправа во Собранието предизвика предлогот за основање на Комисија за оценување на Предлогот за покренување постапка за утврдување одговорност на претседателот Иванов.
Опозициjaта обвинува дека грубо е прекршено правото за соодветна застапеност на членовите во Комисијата за импичмент на Иванов за која минатиот петок беше изгласано апсолутно мнозинство на владејачката партија. Комисијата која ќе брои 11 членови, изгласано е да има 6 члена од ДПМНЕ, по 2 од ДУИ и СДСМ и 1 од ДПА.
Според координаторот на пратеничката група на СДСМ, владејачката партија нема право да назначи апсолутно мнозинство во Комисијата, за која, како што тврди треба да напише извештај за грубо прекршување на Уставот. Тој обвини дека владејачката партија постои класичен страв и Иванов треба да се прикаже како херој.
-Мафијашката врхушка ве натера за импичментот на Иванов за 11 членови на Комисијата, шест ставиме од ВМРО-ДПМНЕ. Брутално го прекршивте Деловникот, таму стои соодветна застапеност на пратенички групи. Мислите дека шест луѓе ќе го спасат Иванов? Иванов не може никој да го спаси. Ова е чисто штитење, сега од шесте членови на ДПМНЕ се бара да се заштити криминалот на Владата. Што ќе пишете во извештајот, интервјуто на Иванов вчерашно? Тој безумение направи, каде цела македонска јавност и цел свет ни се чуди што човекот направи? Прекршување на Уставот има сериозно, човекот аболицираше врз член кој не постои. Вие треба да напишете извештај врз база на кој што имаме сериозни прекршувања на Уставот. За господинот Димовски не е повлечена аболицијата, класичен судир на интереси има. Не знам кој аргумент ќе го употребите за да браните нешто што не може да се одбрани, рече Сугарески.
Сугарески потсети на изјавата на Иванов дека не постои начин да ја поништи аболицијата, иако подоцна ја поништил половично.
Претседателот на Комисијата за именување Зоран Илиоски посочи дека Комисијата нема да суди или да одлучува дали претседателот ги прекршил правата, бидејќи на собрнаиска седница ќе се дискутира за тоа и ќе носи одлука, а не Комисијата.
Координаторот на пратеничката група на ВМРО-ДПМНЕ Илија Димовски пак во реплика рече дека единствен политичар за кој има активна аболиција е Зоран Заев, а Иницијативата за одговорност за Иванов е беспредметна.
-Единствен политичар во овој момент за кого има активна аболиција е господинот Зоран Заев за случајот „Глобал“, за ниту еден друг политичар нема активна аболиција која стопира постапка. Немојте да не ставате сите во куп, сите други политичари се деаболицирани и може да се води постапка… Одлуката на Иванов за аболиција не ја оправдавме и поддржавме, но неговата генерална политика ќе ја браниме и заштитиме врз база на довербата што сме ја добиле од граѓаните, рече Димовски.
Пратеникот од ДУИ Џеват Адеми посочи дека нивните два члена во Собранието ќе гласаат за покренување одговорност на Иванов, биејќи тие се сериозно заинтересирани Иванов да се соочи со дебатата во Собранието.
Претходно пак од ДПА порачаа дека уште еднаш треба да се разгледа соодносот во новата Комисија, со цел да се виид како ДУИ би гласала доколку нејзините глсови се одлучувачки.
Доколку пратениците ја донесат одлуката за формирање на Комисијата, таа за седум дена треба да изготви извештај за основаноста на предлогот а импичмент на Иванов и да го достави до претседателот на Собранието Трајко Вељаноски.
Иницијативата за отповикување на Иванов ја потпишале пратениците од СДСМ и коалиционите партнери,16 пратеници од ДУИ, независните пратеници, Лилјана Поповска од ДОМ и Павле Трајанов од Демократски соју,. Овие потписи се доволни за иницијативата да влезе во собраниска процедура, но засега нема двотретинско мнозинство, односно 82 гласа, кое се потребни за оваа иницијатива да има позитивен епилог.