Војвотката од Кембриџ Кејт, синоќа на лондонската премиера на најновиот филм на Том Круз Top Gun Maverick блесна во црн долг фустан на креаторот Роланд Муре.
Таа и нејзиниот сопруг, принцот Вилијам беа највисоките гости на гала вечерта. Кралскиот пар беше дочекан од ѕвездата на вечерта актерот Том Круз кој ј игра главната улога во продолжението на култниот Top Gun.
Том Круз ја изненади кралската двојка галантно подавајќи и рака на војвотката Кејт да се искачи по скалите додека покрај нив чекореше и нејзиниот сопруг Вилијам. Кејт не можеше да ја сокрие одушевеноста од американската актерска легенда.
На црвениот тепих дојдоа и останатите актери на филмот како Мајлс Телер, Џон Хем и Глен Пауел со кои кралскиот пар се задржа во разговор. Покрај нив, продефилираа и познати гости меѓу кои и Ева Лонгорија која и овојпат изгледаше фантастично во сребрена тоалета, како и Адријана Лима која одбра дискутабилен изглед со кој реши во фокусот да го стави својот труднички стомак.
Проекцијата на „Топ Ган: Маверик” која беше прикажана надвор од официјалната програма на Канскиот филмски фестивал, е дел од светската турнеја на филмот. Продолжението на блокбастерот од 80-те ќе започне со проекции низ светските кино сали на 27ми мај. Насловната песна за филмот „Hold my hand” ја испеа Лејди Гага.