Спасувачките екипи досега извлекоа четири од 12 деца, кои заедно со нивниот тренер две недели се заглавени во една пештера во Тајланд, соопшти попладнево шефот на спасувачката операција, гувернерот на провинцијата Чианг Рај. Наронгсак Осатанакорн.
Тој нагласи дека прво било извлечено едно од момчињата и со хелихоптер веднаш било пренесено во најблиската болница во Чаинг Раи.
https://www.youtube.com/watch?v=xha9SgQq-J4
Десетина минути подоцна било спасено и второто момче околу 5 и пол часот по локално време (12:30 часот напладне по македонско време). Два часа подоцна од пештерата биле извлечени уште две момчиња кои биле во најдобра здравствена состојба.
Спасените деца веднаш по извлекувањето од пештерата биле префрлани во импровизирана амбуланта во близина каде биле подложени на детални медицински прегледи, а потоа пренесени во болница.
Според Осатанакорн, останатите осум деца и нивниот тренер се уште се наоѓаат на истата локација на која беа пронајдени, на четири километри од влезот во пештерата и очекуваат да бидат спасени.
„Операцијата се одвива добро дури и подобро од очекувањата“, нагласи Осатанакорн.
Тој нагласи дека за подготовка на секоја следна етапа од спасувачката операција се потребни по околу 10 часа. Во операцијата учествуваат 90 нуркачи, од кои 40 Тајланѓани и 50 странци.
Операцијата за спасување на децата започна претпладнево по локлано време и според најавите на кризниот центар, таа ќе трае два до три дена.
„Тие ќе бидат извлекувани еден по еден и тоа ќе трае два до три дена“, изјави утрово раководителот на центарот.
Децата, на возраст од 11 до 16 години, кои беа сместени во еден фудбалски камп, и нивниот тренер заминале на разгледување на пештерата на 23 јуни, меѓутоа обилните монсунски дождови предизвикаа поплавување на пештерата и тие останаа заглавени во неа.
На еден искусен нуркач за пристап до местото на кое се наоѓаат децата и ваќање назад, му се потребни 11 часа. Рутата е долга неколку километри и минува низ матна застоена вода, тесни канали, скали и други препреки. На некои места видливоста во водата е речиси нула.
Она што се знае досега
- Четири од момчињата се спасени од пештерата во провинцијата Чианг Раи, додека осум момчиња и нивниот тренер сѐ уште се заглавени под земја.
- Сите четири момчиња безбедно стигнаа до болница во Чианг Раи, најблискиот главен град.
- Операцијата е закажана за да продолжи околу 8 часот по локално време (три часот наутро, недела спроти понеделник, по македонско време)
- Останатите осум момчиња и нивниот тренер остануваат на оригиналната локација под земја во близина на плажата Патаја.
- Нуркачите заедно со момчињата, кои носеа маски за лице, патуваа 3,2 километри низ калливата, острова пештера.
- Дождот во сабота навечер и низ цела недела беше непријател број еден за спасувачите
- Операцијата продолжи многу побрзо отколку што се очекуваше, поради нивото на водонепропустливост во пештерата.
- 13 странски нуркачи и пет припадници на тајландските морнарички „Фоки“ го сочинуваат спасувачкиот тим и се меѓу екипата од 90 нуркачи вклучени во напорите за спасување на заглавените во целост.