Just in: The latest condition in Poh Gading, Pringgabaya, east #lombok #PMISiapBantu (6/8/2018) @IFRCAsiaPacific @IFRCAsiaPacific pic.twitter.com/138hF74FrM
— Indonesian Red Cross (@palangmerah) August 6, 2018
Бројот на жртвите на земјотресот кој го погоди индонезискиот остров Ломбок се искачи на 142 лица, соопшти денеска претставник на локалните власти.
– Како резултат на вчерашниот земјотрес со сила од 7 степени, 142 лица загинаа, изјави за „Метро ТВ” Росиади Сојути, секретар во администрацијата на провинцијата Западна Нуса-Тенгара, на чија територија се наоѓа. Ломбок.
Околу 900 индонезиски и странски туристи денека се евакуираат од островот Гили, кој се наоѓа во близина на Ломбок. Тие се наоѓаат на плажите и чекаат евакуација.
– Околу 200 туристи веќе ги напуштија трите острови, а за 700 други претстои евакуација, соопшти портпаролот на националната агенција за справување со природни непогоди Сутопо Пурво Нугухо.
Urgently needed: we need more blood donors to help the communities in #Lombok You can go to our blood donor office, at UDD PMI LOMBOK BARAT Jl. Bung Hatta No 3B, Mataram #Lombok to donate blood. Thanks #PMISiapBantu pic.twitter.com/JqYAo3Dplc
— Indonesian Red Cross (@palangmerah) August 6, 2018
Хотелите на Гили настрадале од силниот земјотрес, проследен со аларм за цунами, што предизвика паника. Многу туристи побарале да отпатуваат за Ломбок, за да стигнат до аеродромот во главниот град Матарам.
Повеќето од жртвите на земјотресот беа во планинска област во северниот дел на Ломбок, далеку од главните туристички места во јужниот и западниот дел на островот.
Владина делегација на Сингапур, предводена од министерот за внатрешни работи и правда К. Шамангам, се најде во епицентарот на силниот земјотрес во Ломбок, раскажа денеска лично министерот преку Фејсбук. Сингапурската делегација пристигнала во градот Матарам на конференција за безбедност. Министерот бил сместен на 10-ти кат во хотелот. Го почувствувал големиот земјотрес и видел дека ѕидовите на неговата соба почнале да се уриваат.
– Го зедов само неопходното, вклучувајќи го компјутерот со мојата службена кореспонденција. Бевме надвор, а потоа бевме сместени во мал трикатен хотел, напиша министерот.
Сингапурскиот министер, исто така, раскажа за хаосот на аеродромот во Ломбок. Властите информираа за мали штети, што нема да влијаат на работата на аеродромот.
Епицентарот на потресот бил на длабочина од 15 км во близина на северниот брег на Ломбок каде пред една недела беше регистриран земјотрес од 6,4 степени по Рихтер и во кој загинаа 16 луѓе.
Wisatawan asing dsn domestik menunggu evakuasi dari Gili Trawangan, Gilingan Air dan Gili Meno Lombok Utara. Terbatasnya kapal menyebabkan evakuasi bertahap. Tim SAR akan menambah kapal. pic.twitter.com/EZKqwLnQjQ
— Sutopo Purwo Nugroho (@Sutopo_PN) August 6, 2018