Новинарот Фуркан Салиу разговараше со девојката од Штип, жртва на насилничкото однесување на две млади млади момчиња.
Во разговор со новинарот, младата штипјанка открива дека видеото е старо два месеца и досега не го објавила бидејќи постојано добивала закани од напаѓачите. Како што кажа, денеска била на лекар, но не можело да се утврдат повреди затоа што минал подолг период од насилството.
Почнаа да ме тепаат од кај “Тоше” па ме однесоа во зградата… Тоше знае каква бев, лом#Штип pic.twitter.com/fZ1F6asPMT
— FurKlan (@FurkanSaliu) April 2, 2020
Видеото со вознемирувачка содржина вчера претпладне се појави на социјалните мрежи по што набрзо се огласија и од МВР. Најпрво заменик министерката Славјанка Петровска која навести реакција на Бирото за јавна безбедност и на Центарот за социјални работи и најави најстроги санкции за насилниците за нивното нечовечко однесување.
Набрзо по неа во јавноста излезе и првиот човек во МВР, Наќе Чулев, кој истакна дека, по преземените мерки за идентификација, од слобода се лишени две лица од Штип – С.А. и П.Р. и кои се предмет на натамошно постапување, а за случајот е известено и Основното Јавно Обвинителство.