Џулијан Асанж ќе ја напушти еквадорската амбасада, каде што се наоѓа повеќе од 4 години и доби азил, и ќе се предаде за екстрадиција во САД поради обвинувањата за објавување доверливи документи преку Викиликс.

Мелинда Тејлор, дел од адвокатскиот тим на Асанж, потврди дека Асанж останува на своето ветување, меѓутоа нејасно е кога Асанж ќе се предаде, објави Индипендент.

Викиликс на својот профил на Твитер, за кој се верува дека го води самиот Асанж, неодамна објави дека доколку американскиот претседател Барак Обама ја помилува Челси Менинг, Асанж за возврат ќе се согласи на екстрадиција во САД.

Обама, во најверојатно последната одлука како претседател на САД, вечра ја преиначи казната за транссексуалката Челзи Менинг, која беше американски војник Бредли  Менинг, и ја ослобди од 35 годипната казна затвор затоа што ја загрозила безбедноста на граѓаните на САД со предавањето на 700.000 доверливи документи на Викиликс за ангажманот на САД во Авганитстан и Ирак.  Таа ќе биде пуштена на слобода во мај годинава, речиси 30 години пред истекувањето на казната.

Асанж пак живее во еквадорската амбасада во Лондон од летото 2012 година. Велика Британија има налог за екстрадиција на Асанж во Шведска, но поради сосема неповрзани обвинувања за силување. Асанж тврди дека доколку биде предаден на шведските власти тие ќе го екстрадираат во САД.