Градоначалникот на Град Скопје, Петре Шилегов на својот профил на Фејсбук, објави фотографии од ВИП кабини за жицарницата на Водно кои, иако беа најавени никој досега не ги виде.

-Не бил само Мерцедесот…ВИП кабини на жичарницата кои не се за општа употреба, напиша Шилегов, покрај фотографиите.

Се работи за двете како што се нарекуваат елитни кабини, кои беа најавени и во проектот и стојат на страницата со детали за Жичарницата на Водно и се дел од 30 кабини на првата од трите линии што беа планирани да ги има оваа Жичарница.  Од нив 28 за по осум патници се во секојдневна употреба, додека другите две се за по 4 патници, но никој никогаш не ги виде.

Никој досега ниту јавно не зборуваше зошто се овие две елитни кабини, кои наместо класичните пластилни седишта имаат удобни фотељи.  Притоа тука треба да се нагласи дека трасата на оваа прва линија од Средно Водно до Милениумскиот крст е 1.750 метри и се поминува за 4 минути и 18 секунди.

Основниот проект за сите три секции на жичницата  го изработи австриската фирма „Допелмаер“.

Жичарницата од Средно Водно до Милениумскиот крст  беше пуштена во употреба во јуни 2011 година. Оттогаш иако беше најавувано дека ќе се градат и други две линии – од Институтот за белодробни заболувања кај деца во Kозле до Средно Водно (секција 2) и од црквата „Свети Јован Kрстител“ до Институтот (секција 3),тие никогаш не се реализираа.

Вкуниот проект требаше да чини 6,7 милиони евра и да има вкупно 62 кабини.