Средбата за избор на петтиот член вечерва продожува откако по попладневниот неуспех се ангажираа високи дипломати од ЕУ и САД за да посредуваат во изнаоѓање решение, дознава НОВАТВ. Во меѓувреме, во Брисел се одлучува дали постои потреба еврокомесарот за проширување, Јоханес Хан, да допатува во Скопје.
Партиите не можат да најдат консензус за петиот член на ад-хок телото на Привремената комисијата за следење на медиумското претставување. Четворицата членови, Слаѓана Димишкова и Цветин Чилиманов избрани на предлог на ВМРО-ДПМНЕ и Горан Трпевски и Љубомир Костовски, на предлог од СДСМ, не успеаја да се договорат и да го изберат петтиот член на ад-хок телото, соопшти Агенцијата за медиуми.
Ноќеска на полноќ истекува рокот за избор на петтиот член и не се знае кога ќе се екипира ад-хок телото за контрола на медиумите во предизборната кампања.