По прес конференцијата на директорот на Агенцијата за храна и ветеринарство Зоран Атанасов на која соопшти дека во два производи е пронајдено присуство на ГМО, при што посочи дека се работи за ориз произведен во кочанско, но од семе кое содржи ГМО и шницли од соја со потекло од Србија, од фирмата Виталиа, од компанијата Виталиа испратија реакција во која се вели.
-Продуктите на Виталиа се произведени согласно високите европски стандарди и европските регулативи за квалитет и како такви се извезуваат во 55 земји ширум светот. Соините презли и шницли потекнуваат од најреномираната компанија за производство на соја во регионот –„Соја Протеин“ која е најголема фабрика за обработка на соја во Србија со капацитет од 250 000 тони годишно. Таа е една од најважните процесори на Нон ГМО соја во Европа. Во исто време таа е една од ретките компании кои обработуваат исклучиво генетски немодифицирана соја со строго контролирано потекло и квалитет.
Производите се увезуваат во Македонија веќе 20 години.
Во тек е супер анализата која ќе утврди дали има отстапување од македонската регулатива кој е во процес на хармонизација со онаа на ЕУ, се вели во реакцијата.
Директорот на АХВ Атанасов на прес конференцијата истакна дека производите од оваа серија се повлечени од продажба.