Вицепремиерот на Австралија, Барнаби Џојс и уште четворица други политичари се нелигитимно избрани за претставници во Владата бидејќи поседувале двојно државјанство, одлучија австралиските судови.
По одлуката, Џојс е должен да ја напушти канцеларијата во Владата во која работи, со уште тројца други политичари.
Уставот на Австралија забранува двојно државјанство.
Џојс, кој поседуваше и пасош на Нов Зеланд, се откажа од државјанството во август, по што најави дека на следните избори повторно ќе се кандидира.
Останатите четворица, Фиона Неш, Малколм Роберт, Ларис Вотерс и Скот Лудлам беа членови на Сенатот.
Ова го остава премиерот Малколм Трнбол со 75 луѓе во Домот на претставниците составен од 150 членови, што значи дека го губи и мнозинството, но уште во декември може да поправи ова ако Џојс победи на изборите, каде што е легитимен да се кандидира откако го отфрли државјанството на Нов Зеланд.
До декември, Трнбол ќе зависи од поддршката на независнисте пратеници и помалите партии за да спроведува закони.