Авиокомпанијата „Виз Ер“ обезбеди 100.000 бесплатни авионски карти за украинските бегалци кои преку соседните земји Полска, Словачка, Унгарија или Романија сакаат да стигнат до било која европска дестинација.
За таа намена, компанијата веќе обезбедила поголеми авиони и дополнителни летови кон европските земји со цел да го поддржи и да го помогне движењето на бегалците, велат од комапнијата.
„Посветени сме да им помогнеме на што е можно повеќе украински бегалци да стигнат до безбедно место, поради што ќе им понудиме 100.000 бесплатни места од пограничните земји и специјални цени за спасување на сите други летови. Веќе видовме големи хуманитарни напори на терен од страна на нашите луѓе низ мрежата и како компанија сакавме да ја одиграме нашата улога во овие напори. Ние би биле среќни да обезбедиме безбедно патување за бегалците“, рече извршниот директор на „Виз Ер“, Јозеф Варади.
Покрај тоа, авиокомпанијата ќе им понуди на украинските граѓани и ефтини авио билети за спасување почнувајќи од 29,99 евра за европските градови, како и авио билети по цени од 69,99 евра за сите летови до ОАЕ, Исланд и Канарски острови.
Украинските бегалци кои сакаат да резервираат лет можат да го сторат тоа со посета на : https://wizzair.com/#/rescue . 100.000 бесплатни седишта и билетите за спасување ќе бидат достапни за патување во текот на март. Од патниците ќе се бара да го дадат својот украински пасош/број на лична карта за време на резервацијата и да го покажат својот украински пасош/лична карта при пријавувањето.