Влезе во Гинис: Порториканец со 113 години е најстариот човек во светот

Поранешен одгледувач на шеќерна трска во Порторико влезе во Гинисовата книга на рекорди како највозрасен човек во светот, само неколку недели пред да го прослави својот 113. роденден.

Емилио Флорес Маркез е роден на 8 август во 1908 година во Каролина, Порторико. Во средата, кога официјално влезе во Гинисовата книга, имаше 112 години и 326 дена.

Маркез беше во брак со Андреа Перез цели 75 години, до нејзината смрт во 2010 година. Тие имаа четири деца. Маркез сега има и пет внуци и пет правнуци.

Тој изгубил поголем дел од слухот, а на 101 година вградил пејсмејкер. Сега е во добра здравствена состојба.

Поранешниот најстар човек на светот беше Романецот Думитру Комнеску. Почина на 27 јуни 2020 година на возраст од 111 година 219 дена.