По средбата со високата претставничка на ЕУ, Федерика Могерини, лидерот на ВМРО-ДПМНЕ парти партиско соопштение:
„Претседателот на ВМРО-ДПМНЕ, Никола Груевски денеска заедно со Никола Попоски, Никола Тодоров, Владимир Ѓорчев и Александар Николоски оствари разговор со високата претставничка на ЕУ за надворешна политика и безбедност, Федерика Могерини.
Могерени ги повтори јавно изнесените ставови на Европската комисија за актуелните теми и области.
Од страна на ВМРО-ДПМНЕ беше изразено незадоволство од платформата на премиерот на Албанија Рама од Тирана, негативните последици што се предизвикуваат од бруталното мешање во внатрешните работи на соседна држава, спротивно на принципите за добрососедство.
Воедно беше истакнатот фактот за нарушување на принципот за коалицирање на „победник со победник” по изборите.
Разговарајќи околу можните решенија ВМРО-ДПМНЕ ја повтори оценката дека спроведувањето на брзи избори е најдобриот начин за стабилност и надминување на политичката криза“, соопшти ВМРО-ДПМНЕ.
Соопштението не кажува каква била пораката на Могерини до ВМРО-ДПМНЕ. Во последните недели партијата исцрпно и детално известуваше да средбите со странските соговорници но овој пат вакви детали од средбата со Могерини изостанаа.