Денеска во 18 часот, ВМРО-ДПМНЕ ќе организира протест пред истражниот затвор во Шуто Оризари, соопштија од партијата и најавија неколку обраќања и говори од присутните.
Од партијата утрово преку соопштение реагираа и на одлуката на Врховниот суд да ја преиначи казнената мерка за обвинетите во случајот Монструм. Од партијата вела т дека одлуката била донесена под политички притисок.
„Судството под политички притисок вчера ослободи лица обвинети за тероризам. Како услов за да се бранат од слобода за грозоморното убиство на петте момчиња кај Смилковско езеро, судот им определи мерка два пати во неделата да се јавувале кај надлежниот судија. Истото тоа судство вчера ги преиначи мерките домашен притвор за актерот Владо Јовановски и режисерот Борис Дамовски и одлучи да ги испрати во истражниот затвор во Шуто Оризари. Зоран Заев и органите на прогонот под негова команда, не само што им измислија, конструираа и процесираа обвинение за тероризам, туку повеќе им веруваат на убијците од Смилковско езеро дека редовно ќе се јавувале на суд и дека нема да ја напуштат Македонија, отколку што им веруваат на македонските патриоти“, пишува во соопштението на партијата.