Опозициската ВМРО ДПМНЕ денеска јавно побара одговори од градоначалникот на Скопје Петре Шилегов, во врска со градски проблеми, за кои според нив, СДСМ пред да дојдат на власт ветувале решение, како што е загадувањето, изградбата на инфраструктурни објекти, гасификацијата.

-Зошто и понатаму Скопје останува најзагадениот град во Светот. Велеа дека имаат стратегија, а во реалноста ниту стратегија има, ниту пак мерки од кој полза ќе имаат граѓаните. Зошто наместо пари за нови клупи, рекреативни содржини, поважно за градоначалникот е мерење и спроведување на рејтинг анализи од речиси еден милион денари. Дали овие анализи ќе ги прави компанија блиска до СДСМ?, рече Светлана Колариќ на денешната прес конференција.

Од ВМРО ДПМНЕ прашуваат и до акде е проектот за изградба на Универзалната сала, проектот овошје за секое дете во училиштата, решавањето на сообраќајниот хаос во градот и гасификацијата.

-Шилегов предвидува дислоцирање на Галиите, зафат во износ од 5 милиони евра, пари што наместо за рушење треба да се насочат за изградба на училишта, улици, паркови, рече Колариќ, која притоа обвини дека наместо проекти, се спроведува „партизација на јавните претпријатија и културните институции со 138 партиски војници во управни и надзорни одбори вклучувајќи го и целиот негов кабинет“.

На овие прашања како што велат од ВМРО ДПМНЕ Шилегов треба да одговори на седницата за советнички прашања.