АНАИСНИН
Долго чуваната тајна која исплива по 30 години од чистата душа на големиот Латас, значеше лична , но и катарза за партиското членството, особено за неговите идеолошко-политичко-бизнисменски креaции, т.н „негови деца“.
Лавина емпатични реакции по признанието на „главниот пропагандист“ на вмровската Си-Ен-Ен дека бил принуден како малолетен да има секс со шамарана жена.
Ова ја разголи и многугодишната енигма зошто телевизискиот канал во интервалите пред и после Латас, секогаш емитуваше турски серии, главно со „традиционална“ содржина каде што жените најнормално се тепани и расплакани од почит кон главата на семејството. Се обидувал да проговори за траумата, но немал доволно сила и се плашел од јавна осуда.
Но, дојде и тој ден кога собра храброст, и ни раскажа не плашејќи се од двојно виктимизирање.
Откако ова го сподели со јавноста, особено со аудиториум на млади луѓе кај еден јутјубер, а Хелсиншкиот комитет за човекови права го осуди, опозицијата доживеа драстична трансформација. Поддршката од сите страни нaвестува дека вакви признанија е можно да има повеќе. Од таму, конзервативната партија е можно да се преименува во Me too и да зачекори на европскиот пат со слободна и демократска мисла.
Во очекување на признанијата што ќе следат, можно е да има и такви кои ќе ја признаат и својата еднополова сексуална ориентација, такви кои морале да „потклекнат“ под притисокот на „идеолошките матрици“ и да глумат патријахални мачо тепачи. Дојде денот што ќе ја осветли македонската политичка сцена, прогресивна опозиција која се бори правата на сите, не само за „чистите“ Македонци.
Здруженијата за човекови права и јавноста да се засрамат од избрзаните реакции, и итно да ги редефинираат своите слободоумни начела, доаѓаат нови прогресивни политички ветришта. Ги потценивме мноштвото „доктори“ во партијата, на чија експертиза за спин беа вложени многу пари, и секако би и се поклонил и Гебелс.
Холивуд стравува од вистината, но над Македонија се раѓа ново сонце на слободата!
Рубриката АХА! е простор за хумор и сатира. Секоја сличност со реалноста е намерна и не е претерана.
FRONTLINE.MK