Советниците на коалицијата предводена од ВМРО-ДПМНЕ во Штип на денешната седница се појавија со маички на кои пишуваше „И јас сум терорист“. Тие скандираа „Македонија“ и демонстративно ја напуштија седницата. Тие одлучија да ги бојкотираат седниците на општинскиот совет како реакција на притворите определени за осомничените за настаните од 27 април во Собранието.
Истото денеска го сторија и советниците на ВМРО-ДПМНЕ од Гевгелија.
На своите столчиња советниците оставија пораки на кои пишува „Слобода за нашита браќа и сестри“. Тие порачаа дека Сашо Василевски, Игор Дурловски, Горан Ангелов, Богдан Илиевски, Крсто Мукоски, Љубен Арнаудов, Борис Дамовски и останатите притворени не се терористи.
Денеска седницата на советот ја напуштија и советниците од ВМРО-ДПМНЕ, но не прецизираа дали е тоа само денеска или нема да доаѓаат ниту на следните седници.
До сега седниците ги бојкотираа советниците на ВМРО-ДПМНЕ во Куманово и Ѓорче Петров.