Опозициската ВМРО-ДПМНЕ, денеска преку соопштение обвини дека граѓаните се уште не знаат што содржи договорот за добрососедство кој премиерот Зоран Заев планира да го потпише за три недели со Бугарија.
„Скандалозно е МАНУ како највисока стручна и научна институција во државата да нема никакви информации што содржи договорот со Бугарија, кој Заев го преговараше во Софија. Неприфатливо е МАНУ да молчи во однос на нетранспарентноста на Владата. Претседателот на МАНУ, Таки Фити, иако се сретна со Заев не побарал од него увид во договорот кој е од особено значење за државата. Додека Заев ја држи македонската граѓанска и научна јавност во мрак не кажувајќи што договорил во Бугарија, одбивајќи да ги информира и пратениците во Собранието за содржината на договорот, бугарската влада уште на 5 јули договорот го доставила во тамошното Собрание, со цел пратениците да можат да дадат оценка по однос на истиот.
Од партијата велат дека тие секогаш се залагале за добрососедски односи, но тие ќе мора да се темелат на взаемно признавање и почитување.