Општина Аеродром како една од најзагадените општини на ниво на Град Скопје се уште не презема конкретни мерки за да ги отстрани дивите депонии.
Оваа депонија се наоѓа во Горно Лисиче, на која е натрупан шут, разни крупни предмети, но и ситен отпад од домаќинства и од работилници. Така некој „го решил“ својот проблем, не само нарушувајќи го амбиентот, туку и предизвикувајќи директна опасност за жителите од вдишување прашина, која содржи и многу токсични материи од пластиката што се разградува.
Диви депонии честопати никнуваат и на зафрлени места, главно покрај патишта, оти на тие што нелегално исфрлаат шут или отпад од најразличен вид така им е најлесно – брзо да истоварат и да избегаат, намалувајќи ги шансите да бидат фатени на дело.
Проблемот очигледно е во отсустувото на сериозна и вистинска институционална реакција, вклучително и во недоволниот инспекциски надзор за да се фатат и да се казнат прекршителите, велат упатените.
Но, за тоа е потребна свест кај власта на локално и на централно ниво, односно одговорно владеење.
Пред неколку месеци во рамките на големата еко-акција во соработка со Град Скопје од 29 ноември до 4 декември беше спроведена во oпштина Аеродром беа санирани 27 депонии и уредени 22 зелени потези во Општината, но на овој шут и ѓубре очигледно не се сетил никој.
