Српскиот член на Претседателството на БиХ по повод одбележувањето на „Тузланската колона“ изјави дека нема правда за српскиот народ во БиХ, бидејќи никој не е одговорен за тоа злосторство.
„Денес, кога се сеќаваме на злосторствата врз припадниците на ЈНА во колоната во Тузла, мислите ми се со семејствата на загинатите војници. Упорното одбивање на судските институции да ги гонат одговорните за ова злосторство е уште еден во низата докази дека нема правда за српскиот народ во БиХ“, напиша Додик на Твитер.
Данас кад се сјећамо злочина над припадницима ЈНА у "Тузланској колони" моје мисли су са породицама убијених војника.
Упорно одбијање правосудних институција да процесуирају одговорне за овај злочин још је један у низу доказа да у оваквој БиХ нема правде за српски народ.— Милорад Додик (@MiloradDodik) May 15, 2022
Додик додаде дека сите извршени и неказнети злосторства врз Србите „трајно не потсетуваат на нашата борба за слобода и не смееме да ги заборавиме“.
Семејствата на жртвите, преживеаните учесници во колоната во Тузла и делегацијата од Република Српска на Брчанска Малта им оддадоа почит на загинатите припадници на ЈНА.
Утринава од Бјелина тргнаа три автобуси, кои со придружба на полицијата на Република Српска беа спроведени до Бањ Брдо, до границата на ентитетот, а оттаму до Тузла со припадници на МУП на кантонот Тузла.
По мирната прошетка и верското одбележување на Брчанска Малта, учесниците се вратија во Бјелина.
Муслиманските сили на 15 мај 1992 година брутално нападнаа колона на ЈНА во Тузла, која врз основа на претходно постигнат договор требаше да ја напушти касарната во Тузла, потсетува РТРС.
Во заседата загинаа 54 припадници на ЈНА, 78 беа ранети и заробени 44 припадници на ЈНА, од кои пет подоцна беа убиени, а други малтретирани и мачени.